গুৱাহাটী, ১ এপ্ৰিলঃ প্ৰায়ে মানুহে কাৰোবাৰ মৃত্যু হোৱাৰ পিছত 'RIP' শব্দটো ব্যৱহাৰ কৰে। যদিও আৰ.আই.পি.(RIP) হৈছে এটা চমু ৰূপ, কিন্তু এতিয়া ইয়াক শব্দ হিচাপে ব্যৱহাৰ কৰা হৈছে। বহুসংখ্যক লোকে আনকি এই শব্দটোৰ সঠিক অৰ্থ, ইয়াৰ সম্পূৰ্ণ ৰূপ আৰু ইয়াৰ প্ৰচলন কৰ পৰা হৈছে নাজানে, কিন্তু কাৰোবাৰ মৃত্যুৰ পিছত, সকলোৱে এই শব্দটোৰ জৰিয়তে তেওঁলোকৰ দুখ প্ৰকাশ কৰি আহিছে।
হয়তো কিছুমান লোকে ইয়াৰ অৰ্থ জানে, কিন্তু বেছিভাগ লোকে এই শব্দটোৰ অৰ্থৰ বিষয়ে সম্পূৰ্ণৰূপে অজ্ঞাত। আচলতে, আৰআইপি (RIP) হৈছে এটা সংক্ষিপ্ত ৰূপ। ইয়াৰ সম্পূৰ্ণ ৰূপ হৈছে 'ৰেষ্ট ইন পিচ' (Rest in peace)। ৰেষ্ট ইন পিচৰ উৎপত্তি লেটিন বাক্যাংশ 'ৰিকুইস্কেট ইন পেচ'ৰ পৰা আহিছে। ৰিকুইস্কেট ইন পেছৰ অৰ্থ হৈছে 'শান্তিত বিলীন হৈ যোৱা' অথবা 'চিৰশান্তি লাভ কৰা'। খ্ৰীষ্টান ধৰ্মত বিশ্বাস কৰা হয় যে মৃত্যুৰ পিছত 'আত্মা' শৰীৰৰ পৰা পৃথক হয় আৰু 'বিচাৰ দিৱস'ৰ দিনা দুয়ো পুনৰ মিলিত হয়।
ৰিকুইস্কেট ইন পেছৰ বিষয়ে ক'বলৈ গ'লে, যদি গীৰ্জাৰ শান্তিময় পৰিৱেশত এজন ব্যক্তিৰ মৃত্যু হয়, তেন্তে তেওঁৰ আত্মা যীচু খ্ৰীষ্টৰ সৈতে মিলিত হয়। আৰআইপি (RIP) শব্দটোৰ ব্যৱহাৰ অষ্টাদশ শতিকাৰ পৰা অহা বুলি বিশ্বাস কৰা হয়। ইয়াৰ আগতে পঞ্চম শতিকাত মৃত্যুৰ পিছত সমাধিসমূহত 'ৰিকুইস্কেট ইন পেচ' শব্দবোৰ লিখা হৈছিল। পৰৱৰ্তী সময়ত, খ্ৰীষ্টান ধৰ্ম্মৰ সৈতে এই শব্দৰ ব্যৱহাৰ বৃদ্ধি পাইছে। যাৰ বাবে এই শব্দটো গোটেই বিশ্বতে চিনাকি হৈ পৰে।