গুৱাহাটী,৩১ মাৰ্চ:মহিলা এদিনীয়া বিশ্বকাপৰ প্রথম ছেমি ফাইনেলত ৱেষ্ট ইণ্ডিজক পৰাস্ত কৰিলে অষ্ট্ৰেলিয়াই।এলিচা হিলিৰ দুৰ্দান্ত শতকৰ সহায়ত অষ্ট্ৰেলিয়াই ১৫৭ ৰানত জয়লাভ কৰি সপ্তমবাৰৰ বাবে ফাইনেলত প্ৰৱেশ কৰিলে কেংগেৰু বাহিনীয়ে। দেওবাৰে ফাইনেলত দক্ষিণ আফ্রিকা আৰু ইংলেণ্ডৰ মাজৰ বিজয়ী দলটোৰ সন্মুখীন হ’ব অষ্ট্ৰেলিয়া। বুধবাৰে ৱেলিংটনত বৰষুণৰ কাৰণে মেচ আৰম্ভণিত বিলম্ব হয়। ফলত মেচ ৪৫ অভাৰলৈ সীমিত কৰিবলগা হয়।
ৱেষ্ট ইণ্ডিজে টছত জয়ী হৈ ফিল্ডিং ল’লেও সেই সিদ্ধান্ত তেওঁলোকৰ বিপক্ষে যায়। প্রথম উইকেটতেই অষ্ট্ৰেলিয়াই সংগ্ৰহ কৰে ২১৬ ৰান। অষ্ট্ৰেলিয়াই ৪৫ অভাৰত ৩ উইকেটৰ বিনিময়ত ৩০৫ ৰান সংগ্ৰহ কৰে।কিন্তু অষ্ট্ৰেলিয়ান বলাৰসকলৰ সন্মুখত নিয়মিত ব্যৱধানত উইকেট পতন ঘটি থাকে ৱেষ্ট ইণ্ডিজৰ। অৱশেষত ৩৭ অভাৰত ১৪৮ ৰানতেই শেষ হৈ যায় ৱেষ্ট ইণ্ডিজৰ ইনিংছ।