মৰিগাঁও,২৮ এপ্ৰিল ঃ অসম বৈদ্যুতিন উন্নয়ন নিগমৰ অধীনস্থ এমট্ৰন কম্পিউটা সেৱা কেন্দ্রটো আজি পুনৰ ছাত্ৰ-ছাত্ৰীৰ বাবে মুকলি কৰে মৰিগাঁও উচ্চতৰ মাধ্যমিক আৰু বহুমূখী বিদ্যালয়ত। মৰিগাঁও জিলা উপায়ুক্ত প্ৰকাশ ৰঞ্জন ঘৰফলীয়াই মুকলি কৰা সেৱা কেন্দ্রটো মুকলি কৰি দিয়া ভাষণত কয় কম্পিউটা সেৱা কেন্দ্রটোৰ জৰিয়তে ছাত্ৰ -ছাত্ৰীৰ সকল যথেষ্ট উপকৃত হব পাৰিব।
তদুপৰি উপায়ুক্ত গৰাকীয়ে প্ৰকৃত শিক্ষা আহৰণৰ বাবে ছাত্ৰ ছাত্ৰী সকলক নিয়ামনোৱতিতা হবলৈ পৰামৰ্শ আগবঢ়াই। কম্পিউটা সেৱা কেন্দ্রটোৰ অধ্যক্ষা মীনাক্ষী কাকতিয়ে আদৰণি ভাষণ প্ৰদান কৰা সভাখনত মৰিগাঁও গাঁওৰক্ষী বাহিনীৰ উপ পৰামৰ্শদাতা বিষ্ণু ভাগৱতীয়ে ছাত্ৰ ছাত্ৰী সকলক পাঠ্যপুথি শিক্ষাই নহয় কাৰিকৰি শিক্ষাইও শিক্ষিত হোৱাত মনোনিবেশ কৰিবলৈ পৰামৰ্শ আগবঢ়াই।
সভাত মৰিগাঁও পৌৰসভাৰ পৌৰপতি যোগেশ তামুলী,উপ-পৌৰপতি পিংকুমনি দাস,মৰিগাঁও উচ্চতৰ মাধ্যমিক আৰু বহুমূখী বিদ্যালয়ৰ অধ্যক্ষ,গুৰুকুল একাডেমি অধ্যক্ষ পলাশ ডেকাকে আদি কৰি বহু কেইজন ব্যক্তিয়ে অংশগ্ৰহণ কৰে।