একেৰাহে ওজন বাঢ়ি আছে নেকি; ৪ টা পৰীক্ষাৰে নিশ্চিত কৰক ৰোগৰ কাৰণ

 

গুৱাহাটী, ৪ এপ্রিলঃ যদি কাৰোবাৰ ওজন একেৰাহে বৃদ্ধি হৈ আছে, তেন্তে তেওঁ তলত উল্লেখ কৰা ৪ টা পৰীক্ষা কৰাটো অতিকৈ আৱশ্যক। শৰীৰৰ মেদবহুলতাক স্বাভাৱিক বুলি উপেক্ষা কৰাৰ ভুল কৰিব নালাগে। শৰীৰৰ ওজন যিদৰে একেৰাহে হ্ৰাস হ'লে কোনো ৰোগৰ লক্ষণ হ'ব পাৰে, ঠিক একেদৰে ওজন বৃদ্ধি হোৱাটোও কোনো ৰোগৰ লক্ষণ হ'ব পাৰে। এনে পৰিস্থিতিত, ব্যক্তি এগৰাকীয়ে নিশ্চিতভাৱে তেওঁৰ স্বাস্থ্য পৰীক্ষা কৰা উচিত। ওজন বৃদ্ধিৰ ক্ষেত্ৰত কি গুৰুত্বপূৰ্ণ পৰীক্ষা কৰা উচিত জানি লওঁক।

১. পি চি অ' এছ (PCOS ) পৰীক্ষা

পিচিঅ'এছে বেছিভাগ লোকৰ ওজন বৃদ্ধি কৰে। বেছিভাগ লোকৰ বেয়া জীৱনশৈলীৰ বাবে এই সমস্যা আহি পৰে। এনে পৰিস্থিতিত, শৰীৰৰ ওজন বা মেদবহুলতা বৃদ্ধি হ'লে, মানুহে পি চি অ' এছৰ বাবে পৰীক্ষা কৰাব লাগিব। কিয়নো মেদবহুলতাৰ ফলত বহুতো ৰোগ হ'ব পাৰে। 

২. ৰক্ত শৰ্কৰাৰ স্তৰ পৰীক্ষা

এইটো আচৰিত যেন লাগিলেও, কিন্তু শৰীৰৰ ওজন একেৰাহে বৃদ্ধি হোৱাটো মধুমেহৰ লক্ষণ হ'ব পাৰে। যদি কাৰোবাৰ ওজন বৃদ্ধি হোৱাৰ লগতে সঘনাই প্ৰস্ৰাৱগাৰলৈ যাব লগা হৈ থাকে, তেনেহ'লে তেওঁৰ ৰক্ত শৰ্কৰা স্তৰ বৃদ্ধি হোৱাৰ ফলত এনে হ'ব পাৰে। এই ক্ষেত্ৰত, মানুহজনে লগে লগে পৰীক্ষা কৰা উচিত। 

৩. থাইৰইড পৰীক্ষা

ওজন বৃদ্ধি হোৱা মানুহে থাইৰইড পৰীক্ষা কৰিবই লাগে। কাৰণ থাইৰইডৰ বাবেও শৰীৰৰ ওজন একেৰাহে বৃদ্ধি হৈ থাকিব পাৰে। যদি ওজন বৃদ্ধিৰ সৈতে চুলি সৰা আৰু নখ ভাঙি যোৱাৰ সমস্যা হয়, তেনেহ'লে লগে লগে থাইৰইডৰ পৰীক্ষা কৰিব লাগে। 

৪. লিপিড প্ৰফাইল পৰীক্ষা

বেয়া কলেষ্টেৰলৰ স্তৰ পৰীক্ষা কৰিবলৈ লিপিড প্ৰ'ফাইল পৰীক্ষা কৰাৰ প্ৰয়োজন। মেদবহুলতাৰ বাবে বেছিভাগ লোকৰ কলেষ্টেৰল বৃদ্ধি হয়। এনে পৰিস্থিতিত, হৃদৰোগত আক্ৰান্ত হোৱাৰ আশংকাও বৃদ্ধি হয়। ইয়াক এৰাই চলিবলৈ, এই পৰীক্ষা কৰাটো অতিকৈ আৱশ্যক।