গুৱাহাটী, ৮ এপ্ৰিলঃবিশ্বৰ অন্যতম ধনী ব্যক্তি মুকেশ আম্বানী।মুকেশ আম্বানীৰ জীৱন বিলাসী তথা ৰাজকীয়।তেওঁ মুম্বাইত সপোনৰ বিশাল প্ৰাসাদ 'এণ্টিলিয়া'ত বাস কৰে যাৰ মূল্য প্ৰায় ১৪ হাজাৰ কোটি টকা।তেওঁৰ ঘৰটো এখন ছেভেন ষ্টাৰ হোটেলৰ সমান।ঘৰটোৰ প্ৰথম কেইটামান মহলা কেৱল গাড়ী পাৰ্কিঙৰ বাবে আৱণ্টন কৰা হৈছে।
কিন্তু আপুনি কেতিয়াবা ভাবিছেনে যে আম্বানীৰ নিজৰ ড্ৰাইভাৰৰ দৰমহা কিমান?মুকেশ আম্বানীৰ গাড়ীৰ চালকজনক মাহে ২ লাখ টকা দিয়া হয়।কিন্তু মুকেশ আম্বানীৰ গাড়ীত চালক হোৱাটো ইমান সহজ নহয়, কিয়নো চালকজনে বহুতো কঠিন পৰীক্ষাৰ মাজেৰে যাব লাগিব। বিভিন্ন কোম্পানীক আম্বানীৰ চালক হ'বলৈ চুক্তি দিয়া হয়।
ইয়াৰ বাবে নিবিদাও জাৰী কৰা হয়।চালক বাছনি কৰাৰ বাবে আৰু তেওঁক প্ৰশিক্ষণ দিবলৈ ব্যক্তিগত কোম্পানীবোৰক চুক্তি দিয়া হয়।চালকজনক প্ৰশিক্ষণ দিয়াৰ পিছত,তেওঁ পৰীক্ষাত উত্তীৰ্ণ হ'ব লাগিব আৰু তেওঁ চাকৰিৰ বাবে নিৰ্বাচিত হ'লে প্ৰতি মাহে ২ লাখ টকা পৰিশোধ কৰা হয়।
মুকেশ আম্বানীৰ চালকে এমাহত কিমান উপাৰ্জন কৰে দেখুওৱা এটা ভিডিঅ' ইণ্টাৰনেটত ভাইৰেল হৈছে।ভিডিঅ'টোত ভাৰতৰ আটাইতকৈ ধনী ব্যক্তি আম্বানীৰ বাবে চালকক কেনেদৰে বাছনি কৰা হয় তাৰ বাছনি প্ৰক্ৰিয়া প্ৰকাশ কৰিছে।