গুৱাহাটী,৩০ মাৰ্চ:গুৱাহাটীত চেঞ্চুৰী মাৰিলে পেট্ৰ’লৰ মূল্যই।বিগত ১০ দিনৰ ভিতৰত ৯টা দিনতে বৃদ্ধি ইন্ধনৰ মূল্য।আঠ দিনত পেট্ৰ'লত ৫.২০ টকা আৰু ডিজেলৰ দাম ৫.৩৫ টকা বাঢ়িছে।চৰকাৰী তেল কোম্পানীসমূহে আজি দেশৰ চাৰিখন মহানগৰসহ মুখ্য চহৰসমূহত পেট্ৰ’ল–ডিজেলৰ দাম বৃদ্ধি কৰিছে।
পেট্ৰ’লৰ দাম প্ৰতিলিটাৰত ৮০–৮৫ পইচা আৰু ডিজেল ৭০–৭৫ পইচা প্ৰতি লিটাৰত বৃদ্ধি পাইছে।গুৱাহাটীত আজি ১০০ৰ ঘৰ অতিক্ৰম কৰিলে পেট্ৰ’লৰ দামে।গুৱাহাটীত আজি ১.৪২ টকা বৃদ্ধি হৈ প্ৰতিলিটাৰত হৈছে ১০১.৪৫ টকা।ডিজেলৰ দাম ১.৩৪ টকা বৃদ্ধি হৈ প্ৰতিলিটাৰত হৈছেগৈ ৮৭.৩৭ টকা।
দিল্লীত পেট্ৰ’ল ৮০ পইচা প্ৰতিলিটাৰত বৃদ্ধি হৈ ১০১ টকা হৈছে।মুম্বাইত পেট্ৰ’লত ৮৫ পইচা বৃদ্ধি হৈছে।দিল্লীত ডিজেলৰ দাম ৮০ পইচাকৈ বৃদ্ধি।দিল্লীত পেট্ৰ’ল প্ৰতিলিটাৰ ১০১.০১ টকা আৰু ডিজেল ৯২.২৭ টকা হৈছে