টীয়কৰ লাহদৈগড় আৰক্ষী চকীৰ অন্তৰ্গত কাকজান আলিচুবুৰী সমীপত ৩৭ নং ৰাষ্ট্ৰীয় ঘাইপথত আজি বিয়লি এক শোকাবহ পথ দুৰ্ঘটনাত এজন যুৱক নিহত হোৱাৰ লগতে আন এগৰাকী গুৰুতৰভাৱে আহত হয়।
ঘটনাৰ বিবৰণি আনুসৰি শিৱসাগৰৰ পৰা যোৰহাট অভিমুখে আহি থকা AS-03W-4095 নম্বৰৰ টিভিএচ ভি-১২ নম্বৰৰ মটৰচাইকেলখনত একে দিশৰে পৰা আহি থকা AS-03S-1049 নম্বৰৰ মালবাহী ট্ৰাকখনে খুন্দা মৰাত দুয়োজন মটৰ চাইকেল আৰোহী গুৰুতৰ ভাৱে আহত হয়।
ঘটনাস্থলীত ততাতৈয়াকৈ লাহদৈগড় আৰক্ষী উপস্থিত হৈ আহত দুয়োজনক যোৰহাট চিকিৎসা মহাবিদ্যালয়লৈ লৈ যায় যদিও নিহত হয় মটৰচাইকেল আৰোহী বিকাশ দুৱৰা।
নিহত ২৫ বছৰীয়া বিকাশৰ ঘৰ যোৰহাটৰ লিচুবাৰী ৰামকৃষ্ণ নগৰত। ইপিনে এই দুৰ্ঘটনাত অভিৰনণ বৰা নামৰ আনগৰাকী যুৱকজন গুৰুতৰভাৱে আহত হয়।আহত অভিৰনণৰ ঘৰ লিচুবাৰী ৰামকৃষ্ণ নগৰতে।
টীয়ক ৰ পৰা উৎপল জ্যোতি খাউণ্ড ৰ ৰিপৰ্ট